As Espigadoras no Burla Verde 2024

 

Que fin de semana máis bonito pasamos no Caurel participando das actividades do II Encontro Burla Verde!

Ademáis de música, festa e reivindicacións, compartimos unha mesa redonda con outros colectivos e xentes do Caurel, das que escoitamos testemuñas moi enriquecedoras.

Despois participamos nun programa de radio que vos compartimos a continuación. Non vos perdades a Lara, a outra compañeira de micrófono, que nos explicou a historia dos montes de man común. Interesantísima!

https://archive.org/details/07-espigadoras-lara-barros

 

As Espigadoras na loita contra Altri

 

As galegas e os galegos vémonos obrigados, unha vez máis, a loitar pola terra, a auga, a vida e a dignidade, contra o macroproxecto de Altri. Xa non é necesario explicar o que suporía unha celulosa de dimensións descomunais para a comarca da Ulloa e os territorios que afectaría, o río Ulla e a ría de Arousa e, por suposto, a vida e o sustento das persoas que ocupan todos eses territorios.

Desde As Espigadoras queremos dar as grazas ás maravillosas mullerazas da comarca da Ulloa por estar alerta e contarnos as verdades que escondía o proxecto, xunto cos grupos ecoloxistas e, a continuación, centos de asociacións e persoas de todo o país.

Lévase feito un gran traballo de información e denuncia, lévanse presentado alegacións que, ata a data, están sendo ignoradas, pero non hai volta atrás, e menos despois de la forza que nos imprimiu a masiva mobilización do domingo 26 de maio en Palas de Rei.

Non imos parar: a auga é nosa e non da celulosa, cantábamos na mani. ¡Altri NON!

O mundo da cestería nos obradoiros das Espigadoras

Lola Tourón, cesteira e membra das Espigadoras, defende que para ser cesteira non só hai que saber tecer un cesto, senón tamén coñecer as plantas cesteables e o seu manexo.

Todo isto nos ensina Lola nos seus obradoiros.

En decembro e xaneiro facemos os de Colmo, porque son os meses nos que se recollen as silvas axeitadas para coser a palla.

No menguante de xaneiro podamos os vimbios, que poderemos utilizar en diferentes momentos do ano poñéndoos a remollo cando xa estean secos.

Podemos empezar por utilizalos na horta para facer estructuras que nos axuden a organizar a plantación...

Ao longo do ano temos moitas posibilidades para cestear...

Coñeces o cesto de media noz?

...a cestería de varas...

...a cestería de lazos...

...a cestería mixta...

Tamén podemos forrar botellas e garrafóns...

Se che gustou o colmo, cosendo dun xeito similar, en distintas épocas do ano podes aproveitar os materiais e as plantas que nos ofrece a natureza para crear obras artísticas de cestería en espiral...

Ou prefires a beleza do kaos?

Animemos ás nosas nenas e nenos a coñecer a cestería con modelos sinxelos...

...ou a aprendela a través dun conto...

Esperamos seguir compartindo con vós tantos coñecementos e diversión.

No outono de 2024 volveremos a ofrecer obradoiros coma estes para todas as persoas que se acheguen.

Agardámosvos!

Os procesos da la nos obradoiros das Espigadoras

As Espigadoras queremos agradecervos estes anos compartindo saberes con todas as persoas que vos achegades a Caborrecelle ou a Recelle.

Nesta ocasión lembramos todos os procesos da la, desde o lavado e fiado, con Flor...

...o uso de tintes naturais para fibras textis, no que tamén nos guiou Flor...

...o afieltrado, coa dirección de Fran...

...e a calceta con cinco agullas para facer luvas ou calcetíns, con Lucía...

Procesos ancestrais, interesantes, bonitos e divertidos, que esperamos seguir compartindo con todas as persoas interesadas.

No outono de 2024 volveremos a ofrecer obradoiros coma estes para todas as persoas que se acheguen.

Agardámosvos!

O uso da enerxía rexenerativa dos bosques para recuperación da Natureza (Terra. Auga. Aire)

 

O pasado 2 de marzo iniciamos un obradoiro moi interesante, impartido por Andrés Reboreda sobre: O uso da enerxía rexenerativa dos bosques para recuperación da Natureza. (Terra. Auga. Aire)

Forma parte da programación organizada polas Espigadoras e desenvolverase en 4 sesións, ás que se pode asistir de xeito individualizado. Se non ves a algunha non hai problema, contámosche o que fumos facendo e segues o proceso.

Trátase dunha práctica para “sembrar vida”, recolectando os microorganismos do bosque e “sembrándoos” despois para diseminar vida, rexenerar e aumentar a biodiversidade das nosas terras.

Todas as sesións son de 11:30h a 13:30h:

- Primeira sesión, 2 de marzo: Petición de permiso ao bosque e sementado de bolas de arroz para a recolección.

Fixemos bolas de arroz cocido que metemos en botes tapados cunha tela suxeita cunha goma e cuns buratiños. A continuación levámolos ao bosque e quedaron sobre o chan boca abaixo, debaixo da capa de follas, tapados da luz. Marcamos o sitio cun pau para ir recollelos cando pasen a lo menos 15 días.

Pasado este tempo observamos diferentes crecementos microbianos nas bolas de arroz, tal como se ve nas seguintes fotografías.

- Segunda sesión, 23 de marzo: Enerxía rexeneradora feminina. Primeira fermentación.

Recollimos os tarros do bosque e fixemos unha mestura coas bolas de arroz e varios ingredientes en auga para fomentar un proceso de fermentación e crecemento dos microorganismos.

A partir de agora esperámoste, anímate a seguir o proceso con nós. Temos unha garrafa de 20L na que está ocurrindo esa primeira fermentación. Na vindeira sesión seguiremos cunha segunda fermentación, e multiplicaremos o produto. Ao final repartirémolo para mellorar as nosas hortas, limpar augas, mellorar o funcionamento de fosas sépticas, etc.

- Terceira sesión, 6 de abril: A reprodución e o nacemento da rexeneración. Segunda fermentación.

- Cuarta, 20 de abril: Enerxía masculina. Expansión. Terceira fermentación

Contacto: asespigadoras@gmail.com ou Lola Tourón: 659286528.