Microorganismos eficientes

Nestes días desde As Espigadoras colaboramos cun grupo amigo de apoio mutuo, “As Rogas”, na elaboración e reparto de microorganismos eficientes.

Os microorganismos eficientes, eficaces ou efectivos (EM, das súas siglas en inglés) son unha mestura de distintos tipos de microorganismos beneficiosos, como bacterias lácticas, levaduras e bacterias fotosintéticas; todos eles organismos naturais que se atopan no medio ambiente e traballan xuntos de xeito sinérxico.

As formas de crecemento que adoptan estes microorganismos nunca deixan de sorprendernos.

Foron desenvolvidos na década de 1980 polo científico xaponés Dr. Teruo Higa. Dende entón o EM estableceuse en todo o mundo como unha solución respectuosa co medio ambiente para múltiples aplicacións.

Funcionan axudando a descompoñer a materia orgánica e desprazando a outros microorganismos nocivos.

Isto permite utilizalos na terra para mellorar a súa actividade biolóxica e polo tanto a dispoñibilidade de nutrientes para as plantas e para competir con microorganismos patóxenos. Ou no tratamento de augas residuais, o saneamento de augas contaminadas ou a restauración de ecosistemas danados; así como outras aplicacións igualmente interesantes.

A súa elaboración é sinxela e moito máis barata que a aplicación destes mesmos microorganismos adquiridos no mercado.

As Espigadoras e toda unha comunidade de persoas que xa os coñecen seguimos a facer probas co EM, ata o de agora con resultados satisfactorios, e agradecemos ao noso maestro, Andrés Reboreda, as súas ensinanzas e a súa disponibilidade.

As Espigadoras na loita contra Altri

 

As galegas e os galegos vémonos obrigados, unha vez máis, a loitar pola terra, a auga, a vida e a dignidade, contra o macroproxecto de Altri. Xa non é necesario explicar o que suporía unha celulosa de dimensións descomunais para a comarca da Ulloa e os territorios que afectaría, o río Ulla e a ría de Arousa e, por suposto, a vida e o sustento das persoas que ocupan todos eses territorios.

Desde As Espigadoras queremos dar as grazas ás maravillosas mullerazas da comarca da Ulloa por estar alerta e contarnos as verdades que escondía o proxecto, xunto cos grupos ecoloxistas e, a continuación, centos de asociacións e persoas de todo o país.

Lévase feito un gran traballo de información e denuncia, lévanse presentado alegacións que, ata a data, están sendo ignoradas, pero non hai volta atrás, e menos despois de la forza que nos imprimiu a masiva mobilización do domingo 26 de maio en Palas de Rei.

Non imos parar: a auga é nosa e non da celulosa, cantábamos na mani. ¡Altri NON!

O uso da enerxía rexenerativa dos bosques para recuperación da Natureza (Terra. Auga. Aire)

 

O pasado 2 de marzo iniciamos un obradoiro moi interesante, impartido por Andrés Reboreda sobre: O uso da enerxía rexenerativa dos bosques para recuperación da Natureza. (Terra. Auga. Aire)

Forma parte da programación organizada polas Espigadoras e desenvolverase en 4 sesións, ás que se pode asistir de xeito individualizado. Se non ves a algunha non hai problema, contámosche o que fumos facendo e segues o proceso.

Trátase dunha práctica para “sembrar vida”, recolectando os microorganismos do bosque e “sembrándoos” despois para diseminar vida, rexenerar e aumentar a biodiversidade das nosas terras.

Todas as sesións son de 11:30h a 13:30h:

- Primeira sesión, 2 de marzo: Petición de permiso ao bosque e sementado de bolas de arroz para a recolección.

Fixemos bolas de arroz cocido que metemos en botes tapados cunha tela suxeita cunha goma e cuns buratiños. A continuación levámolos ao bosque e quedaron sobre o chan boca abaixo, debaixo da capa de follas, tapados da luz. Marcamos o sitio cun pau para ir recollelos cando pasen a lo menos 15 días.

Pasado este tempo observamos diferentes crecementos microbianos nas bolas de arroz, tal como se ve nas seguintes fotografías.

- Segunda sesión, 23 de marzo: Enerxía rexeneradora feminina. Primeira fermentación.

Recollimos os tarros do bosque e fixemos unha mestura coas bolas de arroz e varios ingredientes en auga para fomentar un proceso de fermentación e crecemento dos microorganismos.

A partir de agora esperámoste, anímate a seguir o proceso con nós. Temos unha garrafa de 20L na que está ocurrindo esa primeira fermentación. Na vindeira sesión seguiremos cunha segunda fermentación, e multiplicaremos o produto. Ao final repartirémolo para mellorar as nosas hortas, limpar augas, mellorar o funcionamento de fosas sépticas, etc.

- Terceira sesión, 6 de abril: A reprodución e o nacemento da rexeneración. Segunda fermentación.

- Cuarta, 20 de abril: Enerxía masculina. Expansión. Terceira fermentación

Contacto: asespigadoras@gmail.com ou Lola Tourón: 659286528.