Graciñas por compartir un ano máis coas Espigadoras!

 

Este ano 2024 foi un ano moi movido para As Espigadoras.

Tivemos unha programación intensa, onde aprendemos a podar, a enxertar, cesteamos, fiamos, tinguimos, calcetamos, restauramos mobles, traballamos na rexeneración de terras e augas ...

Invitáronos a contar o noso proxecto no festival Burla Verde, onde compartimos con comunidades de montes e outras asociacións vinculadas ao noso rural.

Celebramos o noso aniversario con Lines e Lara (de Lila Teatro) e compartimos comidas ricas, abrazos e viño especiado.

Seguimos colaborando nos proxectos de aprendizaxe e servizo da universidade e a asociación Arredor do Rural. Hai pouco recibimos un grupo de estudantes que entrevistaron ao noso veciño, José de Fernandez, sobre a experiencia da súa vida na aldea (grazas José pola boa disposición sempre).

Fixemos entrevistas para xornais e medios audiovisuais.

Iniciamos unha colaboración coa asociación de comuneiros de Coeses, e empezaremos a ofrecer obradoiros no seu local de Portanova, que está adaptado para persoas con discapacidade, eso permítenos recibirvos a algunhas de vós que nos estabades preguntando fai tempo.

Tivemos catro novas incorporacións no grupo de xestión: María, Carmen, Luisa, e Luije. E con eles tamén novas propostas de obradoiros que proximamente difundiremos. Adoptamos novos xeitos de xestión que vos iremos contando.

Dámosvos as grazas por a vosa presencia, fidelidade e aprendizaxe compartido. 

En breve compartiremos a programación para o próximo trimestre, mentres tanto desfrutade das festas, do frio, da comida compartida, dos abrazos tenros e as risas saltarinas e demais pequenas cousas que enchen o noso día a día de felicidade e agarimo.

As Espigadoras